HELLO EVERYBODY

Ophelia

Oh where is the Glasgow where Ah used tae stay The white wally closes done up wi' pipe clay Where you knew every neighbour frae first floor tae third And to keep your door locked was considered absurd Well, do you know the folk staying next door tae you

Oh where is the wee shop where Ah used tae buy A quarter of totties, a tuppenny pie A bag o' broken bisquits and three sody scones And the woman aye asked, How's your Maw gettin' on Can your big supermarkets gie you service like that

And where is the fitba' that Ah played and saw The fair shoulder charge and the tannery ba' There was nae four-three-three, there was nae four-two-four And your mates didnae kiss you each time that you scored Is the game, like Big Woodburn, suspended sine die

Oh where are the weans who once played in the street Wi' jorries, a peerie, or a gird wi' a cleek Can they still cadge a hudgie or dreep aff a dyke Or is writing on walls noo the one thing they like Can they tell Chickie Mellie frae Hunch, Cuddy, Hunch

And where is the tramcar that once did the ton Doon the Great Western Road, on the old Yoker run The conductress aye knew how tae deal wi' a nyaff If you're goin', then get on, if you're no', then get aff Are there ony like her on the buses the day

And where is the chip shop that Ah knew so well The wee corner cafe where they used tae sell Hot peas and bray, and McCallum's and pokes And you knew they were Tallies as soon as they spoke Do you want a-da-raspberry o'er your ice-a-cream

Oh where is the Glasgow that Ah used tae know Big Wullie, wee Shooie, the steamie, the Co The shilpit wee bauchle, the glaiket big dreep The ba' on the slates, and your gas in a peep If you scrape the veneer aff, are these things still there (Adam McNaughtan)

Owain